السلام عليكم ورحمة الله وبركاته

حياكم الله وبياكم وجعل الجنة مثوانا ومثواكم ..

بداية ارحب بجميع الاخوات العضوات والزائرات لهذا المنتدى الرااااائع

انا عضوة جديده بس زائرة قديمه ومطلعة على مواضيعكم الحلوه ..

انا سجلت معاكم عشان اقولكم تجربتي في الشعر ..

والله يابنات شعري طالع روووووعه ومايحتاج لك الا كل اسبوعين مره وحده بس تسوينها عشان تحافظين على جمال ورونق شعرك ..
تخيلوا اني بديت ابطل استخدام الاستشوار ....

ادري تحمستوا للموضوع والناس الحين كلهم شعورهم تلفانه من الاستشوار وانا منهم ..

المهم ..

والزبده ..
في الموضوع هي ،،،،،،

جابت لي امي الله يجزاها خير حنااااااااااااء من حرمه تبيعه في القصيم بس وش ذاك الحناء رااااااااااااااااائع لانه موحناء بلحاله تحط معاه اعشاب ثانيه وريحته تجنن ..

تدرون ليه قلتلكم طبيعي 100 في 100 لان الحرمه هذي هي الي تسويه وتطحنه بيدينها وتسوي معاه باقي الاعشاااااب .....

وربي خيال نعومه ولمعان وكثافه ولون غجري يجنن ..
وعلى فكره هذي الحرمه الي جبنا منها الحناء هي ماتحب الكيماويات وصحيه مرررره حتى البهارات الي تستخدمها هي الي تسويها وعسل طبيعي واكثر اكلها وزيوتها هي الي تسويها وشعور بناتها روووووعه ...
(السر في الغذاء الصحي والتجميل الطبيعي ) ماشاء الله لا قوة الا بالله
ولما رحنا القصيم مرينا مزرعه لهم وشفت الكمووون وهو مزوع ..وكل شي عندها طبيعي ..

المهم اني استخدمت ذا الحناء اسبوع ورا اسبوع اخلطه بمويه واضيف معاه شوي زعفران ( الزعفران اجيبه من نفس الحرمه ) واحطه على شعري اربع ساعات واغسله بمويه بس ولما يجف احط عليه زيت لوز حلو واخليه كم ساعه او انام فيه
بعدين اغسله بالشامبو وشوفوا النتيجه ومع الاستمرار عليه رووووووووووعه

والله يابنات ادري انه متعب الحنا ورقبتي ما احركها عشاني اكره بس لما شفت نتيجته تحملته ,,
وكثير طلبوا منها حتى بنت اختي عمرها 3 سنوات وشعرها يتجعد شوي صارت امها تحط لها طلع شعرها مافيه ولا رده ..


ادعوا لي يابنات تراني بحاجة دعااااااااااااااااااااائكم ولاتنسوني في سجودكم والثلث الاخير من الليل

لكم مني اجمل تحيه واطيب المنى مع شعور احلى من شعور الهندياااااات